आफ्नै श्रीमतीको हत्या आरोपमा मोक्तान पक्राउ
मकवानपुर प्रहरीले श्रीमतीलाई कुटपिट गरी हत्या गरेको आरोपमा एक जना पक्राउ गरेको छ ।
बारा निजगढ नगरपालिका रामथली घर भई हाल हेटौंडा उपमहानगरपालिका वडा नं १० स्थित सडक छेउको टहरामा बस्ने ५४ वर्षीय माइला भन्ने कृष्ण बहादुर मोक्तानलाई प्रहरीले पक्राउ गरेको हो । उनले जेष्ठ ९ गते ४२ वर्षीया श्रीमती सुनिता थापा मगरमाथि कुटपिट गरी हत्या गरेको अनुसन्धानबाट खुल्न आएको छ ।
हत्यापछि शवलाई हेटौंडा–१० न्युरेनी स्थित भुटनदेवी सामुदायिक जंगलमा लगेर फालेको जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक जयश्वर रिमालले जानकारी दिनुभयो ।
सुनिताको शव जेष्ठ ९ गते दिउँसो हेटौंडा–१० न्युरेनी स्थित भुटनदेवी सामुदायिक जंगलमा वेवारिसे अवस्थामा फेला परेको थियो । मोक्तानलाई सोमबार आजै हेटौंडा–८ कमानेबाट पक्राउ गरी आवश्यक अनुसन्धान भइरहेको प्रवक्ता रिमालले जानकारी दिनुभयो ।
यो पनि पढ्नुहोस्
