उपमहानगरपालिको पहलमा हेटौंडा अस्पतालमा स्थापना भएको अक्सिजन प्लान्टबाट आजैदेखि उत्पदान सुरु
मदन भण्डारी स्वास्थ्य विज्ञान प्रतिष्ठान हेटौंडा अस्पतालमा स्थापना गरीएको अक्सिजन प्लाज्टबाट आजै देखि उत्पादन सुरु भएको छ । हेटौंडा उपमहानगरपालिका मेयर हरि बहादुर महतले अक्सिजन प्लान्ट आइतबार आज उद्घाटन गरेसंगै उत्पादन पनि सुरु गरिएको छ ।
अस्पतालमा एक साता अघि अक्सिजनको अभावले कोरोना संक्रमित बिरामीलाई उपचारमा समस्या भएपछी उपमहानगरपालिकाले अस्पतालमै प्लान्ट स्थापना गरिएको मेयर महतले बताउनुभयो । काठमाण्डौं लैजानका लागि रक्सौल भन्सारमा रहेको अक्सिजन प्लान्ट उपमहानगरपालिकाको समन्वयमा हेटौंडा अस्पतालमा जडान गरिएको हो ।
हेटौंडाका व्यावसायी दिपक खनालले काठमाण्डौ लैजान भारतबाट ल्याएको अक्सिजन प्लान्ट उपमहानगरपालिकाले खरिद गरेको हो । अक्सिजन प्लान्ट ल्याउने व्यावसायीको खरिद मुल्य ३८ लाख रुपैयाँ उपमहानगरपालिकाले दिने गरी अस्पतालमा अक्सिजन प्लान्ट जडान गरिएको मेयर महतले बताउनुभयो ।
अस्पतालमा जडान गरिएको प्लान्टबाट दैनिक १५ शिलीण्डर अक्सिजन उत्पादन हुनेछ । अहिले हेटौंडा अस्पतालमा ५४ जना कोरोना संक्रमणका बिरामीको उपचार भइरहेको छ । सबै बिरामीलाई अक्सिजन दिएर उपचार भइहेको मदनभण्डारी स्वास्थ्य विज्ञान प्रतिष्ठानका रजिष्टार तथा अस्पताल विकास समितिका अध्यक्ष राजेश प्रसाईले जानकारी दिनुभयो ।
अक्सिजन प्लान्ट निर्माण भएपछी अब बिरनमीको उपचारमा धेरै सहज हुने उहाँको विश्वास छ । यसअघि अक्सिजनको हाहाकार हुँदा सबैको सहयोगबाट सिलिन्डर आएको र अब अस्पतालमा सधैका लागि अक्सिजन प्लान्ट स्थापना भएपछी धेरै सहज हुने उहाँले बताउनुभयो । अरुबेलामा पनि बिरामीलाई अक्सिजन खरिद गर्नुपर्ने बाध्यता केही कम भएको छ । उपमहानगरपालिकाले इटहरी र नुवाकोटबाट अक्सिजन ढुवानी गर्ने काम दिनहुँ गर्दै आएको छ ।
यो पनि पढ्नुहोस्
