भिमफेदी ७ कोगटेमा सुमो दुर्घटना, ६ जना घाइते, एकको अवस्था गम्भिर

भिमफेदी ७ कोगटेमा सुमो दुर्घटना हुँदा चालक सहित ६ जना घाइते भएको प्रहरीले जनाएको छ ।

घाइते मध्ये एक जनाको अवस्थामा गम्भीर रहेको मकवानपुर प्रहरी प्रवक्ता प्रहरी नायव उपरीक्षक जयश्वर रिमालले जानकारी दिनुभयो । घटनास्थलमा ईलाका प्रहरी कार्यालय भिमफेदीका प्रहरी निरीक्षक सुरेन्द्र श्रेष्ठको टोली पुगेर घाइते ६ जनाको उद्धार गरी उपचारका लागि भिमफेदी र हेटौंडा ल्याउने काम भइरहेको जनाइएको छ।

भिमफेदीबाट कोगटे जाँदै गरेको ना १ ज १९१४ नम्बरको सुमो दुर्घटना भएको हो। भिमफेदीकी अन्दाजी ८० बर्षीय कान्छिमाया सिञ्जालीको अवस्था गम्भीर रहको प्रहरीले जनाएको छ । अन्य घाइतेको पहिचान खुल्न बाँकी रहेको जनाइएको छ।