मकवानपुरमा बिहिबार १४६ जना संक्रमित थपिए, थप ९२ जना कोरोना जित्न सफल
मकवानपुरमा बिहिबार १४६ जना कोरोना भाइरसका नयाँ संक्रमित थपिएको स्वास्थ्य कार्यलय मकवानपुरले जानकारी दिएको छ । पछिल्लो २४ घण्टामा ३४० जनाको स्वाब परीक्षण गर्दा १४६ जनामा संक्रमण पुष्टि भएको कार्यालयले जनाएको छ । आज थपिएका संक्रमितहरुमा सबै भन्दा बढी ११० जना हेटौंडाका उपमहानगरपलिका भित्रका छन् ।
यस्तै १३ जना मनहरी गाउँपालिकाका, ९ जना थाहा नगरपालिकाका, ५ जना बकैया गाउँपालिकाका, भीफेदी र मकवानपुरगढी गाउँपालिकाका ३र३ जना तथा २ जना इन्द्रसरोबर गाउँपालिकाका छन् भने १ जना राक्सिराङ गाउँपालिकाका रहेको कार्यालयले जनाएको छ । योसंगै मकवानपुरमा हालसम्म कोरोना पुष्टि हुनेको संख्या ७ हजार ७५ पुगेको छ ।
यसैबीच पछिल्लो २४ घण्टामा थप ९२ जना कोरोना जित्न सफल भएका छन् । होम आइसोलेसनबाट ८५ र आइसोलेसनबाट ७ जना गरी थप ९२ जनाले कोरोना जितेका कार्यालयले जानकारी दिएको छ ।
योसंगै मकवानपुरमा कोरोना संक्रमण निको हुनेको संख्या ४ हजार ६ सय ८६ पुगेको छ । स्वास्थ्य कार्यालयका अनुसार मकवानपुरमा हालसम्म कोरोनाबाट ६७ जनाको मृत्यु भएको छ भन् हाल २ हजार ३ सय ६ जना सक्रिय संक्रमित उपचारत छन् ।
यो पनि पढ्नुहोस्
