नेपालमा मंगलबार थप १९६ संक्रमितको मृत्यु, ८,२०३ संक्रमित थपिए
देशभर मंगलबार ६ हजार ८९१ जना कोरोना संक्रमण मुक्त
नेपालमा मंगलबार थप १९६ जना कारोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा कोरोना संक्रमणबाट १९६ जनाको मृत्यु भएको मन्त्रालयले जानकारी दिएको हो । यस्तै देशभर थप ८ हजार २०३ जनामा कोरोना संक्रमण पुष्टि भएका छन् ।
पछिल्लो २४ घण्टामा काठमाडौँ उपत्यकामा २ हजार ६ सय ३५ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार काठमाडौँमा २०४९ जना, भक्तपुरमा २२१ जना र ललितपुरमा ३६५ जना संक्रमित पुष्टि भएका हुन् ।
यस्तै गत २४ घण्टामा ६ हजार ८९१ जना कोरोना संक्रमणमुक्त भएको पनि मन्त्रालयले जानकारी दिएको छ ।
यो पनि पढ्नुहोस्
