मकवानपुरमा थप ९२ जना कोरोना मुक्त, आइतबार १२७ जनामा संक्रमण पुष्टि
पछिल्लो २४ घण्टामा मकवानपुरमा थप ९२ जना कोरोना संक्रमण मुक्त भएका छन् ।
होमआइसोलेसनबाट ८५ जना र आइसोलेसनबाट ७ जना गरी ९२ जना संक्रमण मुक्त भएको स्वास्थ्य कार्यलय मकवानपुरले जनाएको छ । आज कोरोना जित्नेहरुमा सबैभन्दा बढी ८१ जना हेटौंडा उपमहानगरपालिकाका छन् ।
यस्तै मकवानपुरमा आइतबार थप १२७ जनामा संक्रमण पुष्टि भएको छ । बैशाख ३० र ३१ गते संकलित नमुना मध्ये १८६ को पीसीआर परिक्षण गर्दा १२७ जनामा संक्रमण पुष्टि भएको हेटौंडा उपमहानगरपालिकाकाजनस्वास्थय निरीक्षक भोला चौलागाईले जानकारी दिनुभयो ।
संक्रमित मध्ये सबै भन्दा धेरै ११६ जना हेटौंडाका रहेका छन् । यसैगरि मनहरी गाउँपालिकाका ३ जना, थाहा नगरपालिकाका, भीमफेदी, बागमती र मकवानपुरगढी गाउँपालिकाका २र२ जना रहेका छन् ।
यो पनि पढ्नुहोस्
