जेठ १ देखि १३ गतेसम्म मकवानपुरका १० वटै स्थानीय तहमा निषेधाज्ञा लागू हुने
कोरोना संक्रमणको जोखिम झनै बढ्दै गएपछि जिल्ला प्रशासन कार्यालय मकवानपुरले १० वटै स्थानीय तहमा निषेधाज्ञा लगाउने निर्णय गरेको छ ।
अहिले जिल्लाका चार वटा स्थानीय तहमा मात्र निषेधाज्ञा लागू गरेको प्रशासनले जेठ १ गते देखि १३ गतेसम्म मकवानपुरका १० वटै स्थानीय तहमा निषेधाज्ञा लगाउने निर्णय गरेको हो । कोरोना संक्रमण दर घट्नुको सट्टा बढ्दै गएपछि निषेधाज्ञा थप गरी १० वटै स्थानिय तहमा लागू गर्न लागिएको प्रमुख जिल्ला अधिकारी भरत मणी पाण्डेले जानकारी दिनुभयो ।
प्रशासनले वैशाख मसान्तसम्म हेटौंडा उपमहानगरपालिका, थाहा नगरपालिका, भीमफेदी गाउँपालिका र मनहरी गाउँपालिकाको राजमार्ग क्षेत्रको दायाँ बायाँ ५ सय मिटर क्षेत्रमा मात्रै निषेधाज्ञा लागू गरेको थियो । आज प्रशासनमा बसेको बैठकले भने जिल्लाभर निषेधाज्ञा लगाउने निर्णय गरिएको हो ।
प्रशासनले निषेधाज्ञा अवधिभर अत्यावश्यक उपभोग्य वस्तु विहान ८ बजेसम्म मात्रै खुल्ने, नगरभित्रका बैंकहरु साताको दुई दिन मंगलबार र शुक्रबार खुल्ने, वित्तियर सहकारी संस्था भने पूर्णरुपमा बन्द गरिनुपर्ने जस्ता निर्णय गरेको छ ।
यो पनि पढ्नुहोस्
