बुधबार ६६ जना कोरोना मुक्त भएसंगै मकवानपुरमा निको हुनेको संख्या ४ हजार १ सय ४ पुग्यो
मकवानपुरमा बुधबार ६६ जना कोरोना संक्रमित निको भएका छन् । पछिल्लो २४ घण्टामा ६६ जना संक्रमित निको भएको जिल्ला स्वास्थ्य कार्यलय मकवानपुरले जनाएका छ ।
कोरोना निको हुनेमा ६२ जना होम आइसोलेसन र ४ जना आइसोलेसनका छन् । ती मध्ये हेटौंडा उपमहानगरपालिकाका ५८ जना, थाहा नगरपालिकाका ५ जना, मनहरी गाउँपालिकाका २ जना र मकवानपुरगढी गाउँपालिकाका एक जना छन् । योसंगै मकवानपुरमा कोरोना निको हुनेको संख्या ४ हजार १ सय ४ पुगेको कार्यलयले जनाएको छ ।
यसैबीच, आज थप २१३ जनामा संक्रमण पुष्टि भएको छ । जिल्लामा ३ सय ६१ जनामा पिसिआर र एन्टीजेन विधिबाट गरिएको परीक्षणमा थप २१३ जनामा संक्रमण देखिएको कार्यलयले जनाएको छ । संक्रमित मध्ये सबैभन्दा बढी हेटौंडा उपमहानगरपालिकाका १७२ जना छन् ।
यस्तै थाहा नगरपालिका र मनहरी गाउँपालिकाका १४ जना भने भीमफेदीका ५ जना, मकवानपुरगढीका ४ जना, बकैयाका २ जना र इन्द्रसरोबर र बागमतीका १र१ जना रहेका छन् । योसंगै मकवानपुरमा कोरोना संक्रमण पुष्टि हुनेको संख्या ५ हजार ९ सय ५५ पुगेको स्वास्थ्य कार्यलयले जनाएको छ ।
यो पनि पढ्नुहोस्
