मकवानपुरमा मंगलबार ११६ जना कोरोना संक्रमित थपिए
मकवानपुरमा मंगलबार ११६ जना कोरोना संक्रमित थपिएका छन् ।
१८६ जनाको स्वाब परीक्षण गर्दा ४५ जना महिला र ७१ जना पुरुषमा संक्रमण पुष्टि भएको हेटौंडा उपमहानगरपालिकाका जनस्वास्थ्य निरीक्षक भोला चौलागाईंले जानकारी दिनुभयो ।
थपिएका संक्रमित मध्ये सबै भन्दा बढी हेटौंडा उपमहानगरपालिकाका १०३ जना रहेका छन् । ती मध्ये हेटौंडा ४ का २५ र हेटौंडा–५ का १४ जना रहेका छन् ।
यस्तै थाहा नगरपालिकाका ७ जना, भीमफेदी, मनहरी र बकैया गाउँपालिकाका १।१ जना संक्रमित थपिएका छन् भने बाहिरी जिल्लाका ३ जना रहेको चौलागाईंले जानकारी दिनुभयो । पछिल्लो २४ घण्टामा मकवानपुरमा कोरोना संक्रमण दर ६२ प्रतिशत रहेको छ ।
यो पनि पढ्नुहोस्
