राक्सिराङमा बोलेरो दुर्घटना हुँदा एक जनाको मृत्यु, ५ जना घाइते
मकवानपुरको राक्सिराङमा बोलेरो जिप दुर्घटना हुँदा एक जनाको मृत्यु भएको छ । ५ जना घाइते भएका छन् ।
दुर्घटनामा राक्सिराङ गाउँपालिका–१ बेलटारस्थित बेसीघाटका १७ बर्षीय दिनेश स्याङ्तानको घटनास्थलमै मृत्यु भएको प्रहरीले जनाएको छ । बेसीघाटबाट हेटौँडातर्फ आउँदै गरेको ना १५ च ३९२० नम्बरको जिप अनियन्त्रित भई सडकबाट १५० मिटर तल खसेको प्रहरीले जनाएको छ ।
दुर्घटनामा चालक स्थानीय २५ बर्षीय दिपेन्द्र ल्हो, यात्रु १८ बर्षीया मञ्जु ल्हो, १६ बर्षीय अमृत दोङ, २३ बर्षीया आकृती मोक्तान र मनहरी गाउँपालिका वडा नम्बर–७ का १७ बर्षीय दोर्जे गोङ्वा घाइते भएको प्रहरीले जनाएको छ । घाइतेको हेटौंडा चुरेहिल अस्पतालमा उपचार भइरहेको जिल्ला प्रहरी कार्यालय मकवानपुरले जनाएको छ ।
यो पनि पढ्नुहोस्
