बिहिबार साँझ हेटौडा अस्पतालमा थप एक कोरोना संक्रमित पुरुषको मृत्यु

हेटौंडा अस्पतालको कोभिड एच डि यु (High Dependency Unit) मा उपचाररत थप एक पुरुषको मृत्यु भएको छ । रौतहटको चपुर बस्ने ३८ वर्षका पुरुषको बिहिबार साँझ ६ बजेर २० मिनेटमा मृत्यु भएको अस्पतालका कोभिड ईन्चार्ज डाक्टर सागर काफ्लेले जानकारी दिनुभएको छ ।

हेटौडा अस्पतालमा उपचारको क्रममा ज्यान गुमाउनेको संख्या ७ पुगेको छ । यसअघि हेटौंडाका ५५ बर्षीय पुरुष र बारा अमलेखगन्जका ४६ बर्षीय एक पुरुष र महोत्तरी जलेश्वर घर भएकी ५० बर्षीय महिला र हेटौंडा(६ की ४१ बर्षीय एक महिला र बारा अमलेखगन्जका ५९ बर्षीय पुरुष र मकवानपुरगढी का ६८ बर्षीय एक पुरुषको उपचारको क्रममा मृत्यु भएको थियो ।

यस्तै मनहरीका एक संक्रमितको पनि होम आइसोलेसन मै ज्यान गएको थियो । मकवानपुरमा कोरोना संक्रमणबाट ज्यान गुमाउनेको संख्या ४२ पुगेको छ । पहिलो चरणको कोरोना संक्रमणबाट ३४ जनाको मृत्यु भएको थियो भने दोस्रो प्रजातीको कोरोना संक्रमणबाट जिल्ला अस्पतालमा ७ जना र होम आइसोलेसन १ जनाको मृत्यु भएको हो ।