कोरोना अपडेटः हेटौंडामा पछिल्लो २४ घण्टामा एक जनाको मृत्यु, २४ संक्रमित थपिए
हेटौंडामा कोरोना संक्रमणका कारण पछिल्लो २४ घण्टामा एक जनाको मृत्यु भएको छ भने थप २४ जनामा संक्रमण पुष्टि भएको छ ।
४१ जनाको स्वाब परीक्षण गर्दा थप २४ जनामा कोरोना संक्रमण पुष्टि भएको हेटौडा उपमहानगरपालिकाका जनस्वास्थ्य निरिक्षक तथा कोभिड फोकल पर्सन भोला चौँलागाईले जानकारी दिनुभयो । संक्रमण पुष्टि हुनेमा एकजना दुई बर्षिय बालक समेत रहेको चौलागाईले बताउनुभयो ।
हेटौंडाका भिन्न वडाका २२ जना र कामको शिलसिलामा हेटौंडा बस्दै आएका मकवानपुर बाहिर नुवाकोट र लम्जुङका एक एक जनामा कोरोना पुष्टि भएको उहाँले जानकारी दिनुभयो । कोरोना पुष्टि भएका सबै होम आइसोलेसनमा सुरक्षित रहेको बताइएको छ ।
यसअघि आज बिहान हेटौडा ४ भैरवरोडका ५० वर्षिय पुरुषको कोरोना संक्रमणका काराण मृत्यु भएको चौलागाईले बताउनुभयो । मृतक पुरुष केहि समयअघि बिदेशबाट बिरामी अवस्थामा घर फर्किएको बुझिएको छ ।
यो पनि पढ्नुहोस्
