मनहरीमा सवारी दुर्घटना, एक जनाको मृत्यु, ३ जना घाइते

मनहरीमा शुक्रबार भएको सवारी दुर्घटनामा एक जनाको मृत्यु भएको प्रहरीले जनाएको छ । दुर्घटनमा अन्य ३ जना घाइते भएका छन् ।

प्रहरीका अनुसार पूर्वपश्चिम राजमार्ग अन्तरगत मनहरी–९ खरंगामा ट्रक र अटो आपसमा ठोक्किएर दुर्घटना भएको हो । हेटौंडा बजार तर्फ आउँदै गरेको ना५ख ४७४० नम्बरको ट्रकले ना१ह ७१८४ नम्बरको अटोलाई ठक्कर दिँदा अटो चालकको घटनास्थलमै मृत्यु भएको हो , उनको पहिचान खुलेको छैन ।

घटनाको थप विवरण आउन बाँकी छ । जिल्ला प्रहरी कार्यालयबाट प्रहरी निरीक्षक राज कुमार सापकोटाको टोली घटनास्थल गएको बुझिएको छ ।