प्रहरी निरीक्षक बिष्ट मकवानपुरकै उत्कृष्ट प्रहरी
वडा प्रहरी कार्यालय हेटौंडा सानोपोखराका कार्यालय प्रमुख प्रहरी निरीक्षक कृष्ण प्रसाद बिष्ट मकवानपुरकै उत्कृष्ट प्रहरी बन्नु भएको छ । जिल्ला प्रहरी कार्यालय मकवानपुरले गरेको मुल्यङकनको आधारमा बिष्ट मकवानपुरको चैत्र महिनाको उत्कृष्ट प्रहरी घोषित हुनु भएको हो ।
वडा तथा नगर क्षेत्रमा हुने घटना तथा दुर्घटना न्यूनिकरण, हेटौंडा २ र ५ मा लागेको डढेलो नियन्त्रणमा खेलेको भुमिका, गैरकानुनी रुपमा हेटौंडा बसेका चिनियाँ नागरिक पक्राउ, हराएको मोटरसाइकल फेला पार्न देखाएको सकृयताको उच्च मुल्याङकन गर्दै जिल्ला प्रहरी कार्यालय मकवानपुरले बिष्टलाई जिल्लाकै उत्कृष्ट प्रहरी घोषित गरेको हो।
उहाँलाई मकवानपुरका प्रहरी उपरीक्षक सोमेन्द्र सिंह राठौरले उत्कृष्ट प्रहरीको प्रशंसापत्र प्रदान गर्नु भएको हो ।
प्रहरी निरीक्षक बिष्ट अनुसन्धानमा अब्बल मानिनुहुन्छ । यसअघि भक्तपुर रहदा उहाँको सबल अनुसन्धानले भक्तपुर प्रहरीले फरार प्रतिवादी पक्राउ गर्न सफल भएको थियो।
यो पनि पढ्नुहोस्
