मनहरीमा सवारी दुर्घटना हुँदा एक जनाको मृत्यु
मकवानपुरको मनहरी गाउँपालिका वडा नम्बर ९ खरङ्गामा सवारी दुर्घटना हुँदा एक जनाको मृत्यु भएको छ ।
एक जना घाइते भएका छन् । मालबाहक ट्रक र मोटरसाइकल आपसमा ठोक्किएर दुर्घटना हुँदा एक जनाको घटनास्थलमै मृत्यु भएको प्रहरीले जनाएको छ ।
हेटौंडाबाट मनहरी जाँदै गरेको बा २ ख ९०२९ नम्बरको ट्रकले सोही दिसा तर्फ जाँदै गरेको ना ३१ प ८४२७ नम्बरको मोटरसाइकललाई ठक्कर दिएको हो । मृतक र घाइतेको पहिचान खुल्न नसकेको प्रहरीले जनाएको छ ।
मोटरसाइकलका घाइतेको चुरेहिल अस्पतालमा उपचार भईरहेको छ । घटना पछि अवरुद्ध बनेको राजमार्ग खुलाउने प्रयास भइरहेको मकवानपुर प्रहरीले जनाएको छ । ट्रक तथा चालक प्रहरी नियन्त्रण रहेको प्रहरीले जनाएको छ ।
यो पनि पढ्नुहोस्
