बकैया गोल्डकपको उद्घाटन खेलमा वडा नम्बर ५ को विजयी सुरुवात
शुक्रबारबाट सुरु भएको बकैया गोल्डकपको उद्घाटन खेलमा बकैया वडा नम्बर ५ ले विजयी सुरुवात गरेको छ । गाउँपालिकाको वडा नम्बर ४ जुरेली मैदानमा भएको खेलमा वडा नम्बर १२ लाई १०–० को फराकिलो अन्तरले हराउँलै वडा नम्बर ५ ले विजयी सुरुवात गरेको हो ।
गाउँपालिका भित्रका सबै १२ वडाका फुटबल टिमको सहभागीता रहेको प्रतियोगिता चैत्र २१ गतेसम्म चल्नेछ । प्रतियोगितामा विजयी हुने टिमले नगद १ लाख सहित ट्रफि, मेडल र प्रमाणपत्र प्राप्त गर्नेछ भने दोस्रो हुने टिमले नगद ७५ हजार, ट्रफि, मेडल र प्रमाणपत्र प्राप्त गर्ने आयोजकले जनाएको छ ।
स्थानिय खेलाडीको स्तरोन्तीका लागि गोल्डकप आयोजना गरिएको कार्यक्रममा प्रमुख अतिथी गाउँपालिका अध्यक्ष दामोदर खनालले बताउनुभयो । अध्यक्ष खनालले उद्घाटन गर्नु भएको प्रतियोगितामा जनप्रतिनीधी र कर्मचारी बीच मैत्रीपूर्ण खेल खेलाइएको थियो । जसमा जनप्रतिनीधीको टिम ३–० गोल अन्तरले विजयी भएको थियो ।
खेलकुद विकास समितीका अध्यक्ष प्रकाश वाइवाको अध्यक्षतामा भएको उद्घाटन कार्यक्रममा गाउँपालिका उपाध्यक्ष सरला बोलखे, प्रशासकिय अधिकृत लगायत विभिन्न राजनितीक दलका प्रतिनिधीहरुको आतिथ्यता रहेको थियो ।
यो पनि पढ्नुहोस्
