पत्रकार महासंघ बागमती प्रदेश अध्यक्षमा उम्मेदवारी घोषणा गर्दै पत्रकार अधिकारीले गरे यस्तो प्रतिवद्धता

नेपाल पत्रकार महासंघको चैत २५ गते हुने निर्वाचनका लागि मकवानपुरका पत्रकार गिरिजा अधिकारीले बागमती प्रदेश अध्यक्षमा उम्मेदवारी घोषणा गर्दै प्रतिवद्धता सार्वजनिक गर्नु भएको छ।

अघिल्लो कार्यकालमा प्रदेश अध्यक्षमा उम्मेदवारी दिएर पराजित हुनु भएका उहाँले यसपटक पनि उम्मेदवारी घोषणा गर्दै १६ बुँदे प्रतिबद्धता सार्वजनिक गर्नु भएको हो ।

उहाँले पत्रकार महासंघ प्रदेशको आफ्नै भवन बनाउने, पत्रकार दुर्घटना विमा र आकस्मिक उपचार कोष बनाउने, १० जिल्लाकै एक एक जना पत्रकारलाई ५० हजार राशीको पत्रकारिता पुरस्कार दिने लगायतका प्रतिवद्धता व्यक्त गर्नु भएको छ ।

आफू निरन्तर पत्रकारिता गर्दै पत्रकारका हकहितका लागि काम गरिरहेकाले सहयोगका लागि उहाँले आग्रह गर्नु भएको छ । अधिकारी नेपाल पत्रकार महासंघ मकवानपुरका पूर्व उपाध्यक्ष पनि हुनुहुन्छ ।