सुनको गहना चोरी गर्ने दुईजना पक्राउ
मकवानपुर प्रहरीले सुनको गहना चोरी गर्ने दुईजनालाई पक्राउ गरी सार्वजनिक गरेको छ ।
गहना चोरी गर्ने मकवानपुरको बकैया गाउँपालिका ३ बाट स्थानिय १९ वर्षका दिपेश बिक र वडा नं २ का २० वर्षका गणेश बहादुर स्याङतानलाई प्रहरी चौकी हात्तीसुडेबाट खटिएको प्रहरी टोलीले पक्राउ गरेको हो ।
हेटौडा १७ बस्ने २६ वर्षका संगम बिकले बकैया ३ हात्तीसुडे स्थित पुष्पराज गौतमको घरको सटरमा भाडा लिई सन्चालन गर्दै आएको न्यु सुन चाँदी पसलबाट सुनका गरगहना र नगद समेत चोरी भएको भनी परेको निवेदनका आधारमा अनुसन्धान गर्दा उनिहरु पक्राउ परेको प्रहरीले जनाएको छ ।
चोरी भएको सुनका गरगहना मध्य सुनको माईली तिलहरी सहित पक्राउ परेका उनिहरुलाई थप अनुसन्धानका लागि हिरासतमा राखिएको प्रहरीले जनाएको छ ।
यो पनि पढ्नुहोस्
