प्रहरी चौकी कान्द्राङको नवनिर्मीत भवन उद्घाटन

बागमती प्रदेशका आन्तरिक मामिला तथा कानून मन्त्रालयका सचिव मदन भुजेलले नवनिर्मीत प्रहरी भवनको उद्घाटन गर्नुभएको छ । मकवानपुरको राक्सिराङ गाउँपालिका वडा नं ९ स्थित प्रहरी चौकी कान्द्राङको प्रमुख अतिथि भुजेलले उद्घाटन गर्नुभएको हो।

कार्यक्रममा प्रमुख जिल्ला अधिकारी गोबिन्द प्रसाद रिजाल, बागमती प्रदेश प्रहरी कार्यालय हेटौडाका प्रमुख प्रहरी नायव महानिरीक्षक बसन्त कुमार लामा, जिल्ला प्रहरी कार्यालयका प्रमुख प्रहरी उपरीक्षक सोमेन्द्र सिंह राठौर, उप-अनुसन्धान निर्देशक लिलाधर पौडेल,राक्सिराङ गाँउपालिकाका अध्यक्ष राज कुमार मल्लको उपस्थित रहेको थियो ।

भवन आन्तरिक मामिला तथा कानून मन्त्रालय, बागमती प्रदेशको सहयोगमा बनेको हो ।