सुनाचुरीमा सवारी दुर्घटना हुँदा ३ जनाको मृत्यु, १० जना घाइते
मकवानपुरको मनहरी ६ सुनाचुरीमा सवारी दुर्घटना हुँदा ३ जनाको मृत्यु भएको छ । १० जना घाइते भएका छन् ।
हेटौंडाबाट चितवन जाँदै गरेको ना ४ ख ५१४९ नम्बरको बस र विपरीत दिसाबाट आउदै गरेको ना ६ ख ८९ नम्बरको ट्रक आज बिहान आपसमा ठोक्किएर दुर्घटना बसका चालक सहित ३ जनाको मृत्यु भएको जिल्ला प्रहरी कार्यालय मकवानपुरले जनाएको छ ।
दुर्घटनामा चालक वीरगन्ज १५ का ३५ वर्षिय मदन कुमार थापा, बसमा सवार भारत विहारका ४० वर्षका सुनिल कुमार र भारत सिस्वाका अन्दाजी ३५ वर्षका अभयलाल कुश्वाह प्रहरीले जनाएको छ ।
प्रहरीका अनुसार बस चालक थापा र सुनिल कुमारको उपचारको क्रममा चितवन स्थित पुरानो मेडिकल कलेज र कुश्वाहको हेटौंडा अस्पतालमा उपचारको क्रममा मृत्यु भएको हो । दुर्घटनामा घाइते भएकाहरुको हेटौंडामा उपचार भईरहेको मकवानपुर प्रहरीले जनाएको छ।
यो पनि पढ्नुहोस्
