सहिद स्मृति गोल्डकपः जावलाखेललाई टाइब्रेकरमा ४-२ गोलले हराउँदै आर्मी सेमिफाइनलमा
स्थानीय तह सहिद स्मृति गोल्डकप अन्तराष्टिय फुटबल प्रतियोगिता तेस्रो संस्करण २०७७ अन्तरगत आज दोस्रो दिनको खेलमा नेपाल आर्मी क्लबले विजयी सुरुवात गरेको छ ।
वनविज्ञान अध्ययन संस्थानको मैदानमा भएको खेलमा आर्मीले जावलाखेल युथ क्लबलाई टाइब्रेकरमा ४-२ गोल अन्तरले पराजित गर्दै सेमिफाइनलको यात्रा तय गरेको हो । खेलको निर्धारित समय गोल रहित बराबरीमा सकिएपछि खेल टाइब्रेकरमा गएको थियो । जसमा आर्मीले ४ र जावलाखेलले २ गोल गर्यो ।
आर्मीको जितका लागि दीपक गुरुङ, विकास तामाङ, टंक बस्नेत र सेसेहाङ आङदेम्बेले १/१ गोल गरेका हुन् । जावलाखेलका लागि भने विदेशी खेलाडी फोडे फफना र रुपबहादुर लामाले १/१ गोल गरे । प्रतियोगिता अन्तरगत शनिवार दिउसो हुने खेलमा नेपाल पुलिस क्लब र संकटा क्लब भिड्ने छन् ।
बिहिवारबाट सुरु भएको उद्घाटन खेलमा आयोजक टोली रिगल हेटौडा रिसोर्ट मकवानपुर ११ ले नवजनजागृती युवा क्लब सिमरालाई ४-१ गोल अन्तरले हराउँदै विजयी सुरुवात गरेको थियो ।
प्रतियोगिताको विजेता टीमले ट्रफिसहित नगद १० लाख प्राप्त गर्नेछ भने उपविजेता हुने टीमले ट्रफिसहित नगद ५ लाख प्राप्त गर्ने आयोजकले जनाएका छ । प्रतियोगितामा सर्वोत्कृष्ट खेलाडीले हेटौंडा स्कुल अफ म्यानेजम्यान्टले सौजन्यमा रोयल इन्फिल्ड बुलेट बाइक प्राप्त गर्नेछन् । त्यस्तै नगद ट्रफिसहित नगद ५० हजार प्राप्त गर्नेछन् ।
त्यस्तै विधागत उत्कृट हुने खेलाडीले ट्रफिसहित नगद २५–२५ हजार प्राप्त गर्नेछन् । प्रत्येक खेलमा एकजनालाई म्यान अफ दी म्याचबाट १० हजार पुरस्कार प्रदान गरिने आयोजकले जनाएको छ ।
यो पनि पढ्नुहोस्
