अनिवार्य अवकास प्राप्त गर्नुभएका सहप्राध्यापक विजय कुमार शर्मा उपाध्यायसहित स्वेच्छिक अवकास लिनुभएका निवर्तमान क्याम्पस प्रमुख बच्चुराम अधिकारी, सहप्राध्यापक विष्णुप्रसाद दाहाल, सहप्रशासक विष्णुप्रसाद अधिकारी, उपप्राध्यापक जनकराज पन्त र ईश्वरी पोखरेल, सहायक प्राध्यापक विवेक बर्तौला र शिला कोइरालालाई विदाई गरिएको हो ।
पब्लिक क्याम्पस प्राध्यापक संघ मकवानपुर बहुमुखी क्याम्पस इकाईका अध्यक्ष केशवप्रसाद तिमल्सिनाको अध्यक्षता तथा मकवानपुर बहुमुखी क्याम्पस सञ्चालक समिति अध्यक्ष अनन्तप्रसाद पौडेलको प्रमुख आतिथ्यमा विदाई कार्यक्रम भएको हो ।
उमेर हदका कारण अवकास प्राप्त गर्नुभएका सहप्राध्यापक विजय कुमार शर्माले पिरियड, पद र प्रतिष्ठाका लागि कहिल्यै संघर्ष गर्नु नपरेको उल्लेख गर्नुहुँदै अनिवार्य अवकास लिएर क्याम्पसमा नियमित उपस्थित हुन नपाउँदा निक्कै दुख लागेको बताउनुभयो । विदाई कार्यक्रममा क्याम्पस प्रमुख डा. शंकरप्रसाद उपाध्याय, सहायक क्याम्पस प्रमुखहरु रामेश्वर बराल, डा. रामप्रसाद अधिकारी र डा. यमबहादुर सिलवालको पनि उपस्थिति रहेको थियो ।
