फरेष्टी क्याम्पसको गेट नजिक भएको दुर्घटनामा एक साइकल यात्री गम्भिर घाइते
हेटौंडा–४ फरेष्टी क्याम्पसको गेट नजिक ट्रकको ठक्करबाट एक साइकल यात्री गम्भिर घाइते भएका छन् ।
बजारबाट कर्रा स्थित आफ्नो घर जाँदै गरेका ३६ वर्षका दिल गौतमलाई सोहि दिशा तर्फ गइरहेको को १ क १५४३ नम्बरको ट्रकले ठक्कर दिएको हो ।
दुर्घटनामा गम्भिर घाइते भएका गौतमलाई हेटौंडा अस्पतालमा उपचार हनु नसकेपछि थप उपचारको लागि काठमाडौं रिफर गरिएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक इन्द्र बहादुर रानाले जानकारी दिनुभयो । रानाका अनुसार गौतमको हात छिनेको छ । प्रहरीले ट्रक र चालकलाई नियन्त्रणमा लिएको जनाएको छ ।
यो पनि पढ्नुहोस्
