इक्वेडरका तीन कारागारमा भएको झडपमा ७५ जनाको मृत्यु, केही घाइते

इक्वेडरमा तीन वटा छुट्टाछुट्टै कारागारमा भएको झडपमा कम्तिमा ७५ जनाको ज्यान गएको छ । केही घाइते भएका छन् ।

हिजो मंगलबार विरोधी समूहबीच झडप हुँदा ७५ जनाको ज्यान गएको र केही घाइते भएका समाचार संस्था अलजजिरालाई उद्धृत गर्दै उज्यालो अनलाइनले लेखेको छ । चक्कु र गोली प्रहारबाट यति धेरैको ज्यान गएको सञ्चारमाध्यमले जनाएका छन् । इक्वेडरको कुएङ्का, लाटाकुङ्गा र ग्वेकिल शहरका कारागारमा हिजो रातिको समयमा झडप भएको हो ।

८ सय प्रहरीको मद्दतमा प्रशासनले कारागारलाई आफ्नो नियन्त्रणमा लिएको छ । एउटा कारागारमा सुरक्षाकर्मीलाई कैदीहरुले बन्धक बनाएपछि झडप सुरु भएको खबरमा उल्लेख गरिएको छ । कारागारहरुमा केही एम्बुलेन्सहरु अझै देख्न सकिन्छ ।