नेकपा प्रचण्ड–माधव समूहको ६८ जिल्लाको नेतृत्व चयन
मकवानपुर अध्यक्षमा सिग्देल, सचिवमा पुलामी यथावत
नेपाल कम्युनिस्ट पार्टी (नेकपा) को प्रचण्ड-माधव समूहले भागबन्डाका आधारमा ६८ जिल्लाको नेतृत्व चयन गरेको छ ।
पूर्वमाओवादी समूहले ३५ र पूर्वएमाले समूहले ३३ जिल्लामा नेतृत्व पाएको छ । अब नौ जिल्लामा नेतृत्व चयन गर्न बाँकी छ । प्रधानमन्त्री केपी शर्मा ओलीले गएको पुस ५ गते प्रतिनिधि सभा विघटन गरेपछि नेकपा दुई समूहमा विभाजित भएको हो ।
यसअघि नेकपा प्रचण्ड–नेपाल समूहका अध्यक्षद्वय पुष्पकमल दाहाल प्रचण्ड र माधवकुमार नेपालबीच ५०/५० प्रतिशतका आधारमा नेतृत्व चयन गर्ने गरी नौ बुँदे सहमति भएको थियो ।
यता नेकपा-प्रचण्ड नेपाल समुह मकवानपुरको अध्यक्षको मुनु सिग्देल र सचिवको जिम्मेवारी प्रेम बहादुर पुलामी छिन्तुलाई दिइएको छ । सिग्देल र पुलामी नेकपा दुुुुई खेमामा विभाजित नहुदा सोही पदम रहनु भएको थियो । दुबै बागमती प्रदेश सदस्य समेत हुनुहुन्छ ।
यो पनि पढ्नुहोस्
