मुद्दा जितेसँगै विष्टलाई गापा उपाध्यक्ष पदमा रहेर काम गर्न बाटो खुल्यो
उच्च अदालत पाटन हेटौंडाले मकवानपुरको मनहरी गाउँपालिकाकी उपाध्यक्ष मनिला विष्टको राजिनामा खारेज गरेको छ ।
न्यायाधीशद्वय मोहम्मद साबीर हुसेन र चण्डिराज ढकालले परमाधेश उत्प्रेषण मार्फत राजीनामा खारेज गरेको आदेश गरेसँगै उहाँको पद यथावत रहेको हो ।
गत मंसिर २९ गते उपाध्यक्ष विष्टले राजीनामा दिएको भन्दै पुस १७ गते गाउँपालिका अध्यक्ष एकराज उप्रेतीले राजीनामा स्वीकृत गरेको घोषणा गर्नु भएको थियो । तर उपााध्यक्ष विष्टले भने आफूले राजीनामा नदिएको दाबी गर्दै आउनु भएको थियोे ।
मुद्दा जितेसँगै उपाध्यक्ष विष्टलाई गाउँपालिकाको उपाध्यक्ष पदमा रहेर काम गर्न बाटो खुलेको छ । उहाँले राजीनामा दिएको भन्दै पदमुक्त गरिएपछि विष्टले उच्च अदालतमा मुद्दा हाल्नु भएको थियोे अनलाइनखवरबाट ।
यो पनि पढ्नुहोस्
