अर्को सूचना जारी नभएसम्मका लागि वागमती प्रदेशसभाको बैठक स्थगित

आज बस्ने भनिएको वागमती प्रदेशसभाको बैठक स्थगित भएको छ । आज दिउँसो २ बजेका लागि बोलाइएको बैठक विशेष कारणवश बस्न नसक्ने जनाउँदै सूचना टाँस गरी स्थगन भएको प्रदेशसभा सचिवालयद्वारा जारी सूचनामा जनाइएको छ । अर्को सूचना जारी नभएसम्मका लागि बैठक स्थगित गरिएको सभामुख सानुकुमार श्रेष्ठले जानकारी दिनु भएको छ । यसअघि माघ १९ गतेका बस्ने भनिएको बैठक फागुन ५ गतेसम्मका लागि स्थगित भएको थियो ।