अवैध सालको काठ सहित दुईजना पक्राउ
मकवानपुर प्रहरीले अवैध सालको काठ सहित दुई जनालाई पक्राउ गरेको छ । ईलाका प्रहरी कार्यालय पशुपतीनगरबाट खटिएको प्रहरी टोलीले हेटौंडा १५ मा रहेको चित्रेपानी सामुदायीक वनवाट सालको २.५० क्युफिट गोलिया काठ सहित दुई जनालाई पक्राउ गरेको हो ।
पक्राउ पर्नेमा प्रदेश ३-०३-००१ ह ०१४० नम्बरको अटोका चालक हेटौंडा १५ बस्ने २४ वर्षका बुद्ध लामा लोप्चन र अटोमा सवार सोही स्थान बस्ने २५ वर्षका विक्रम रुम्बा रहेको ईलाका प्रहरी कार्यालय पशुपतिनगरका इन्चार्ज प्रहरी निरिक्षक देवराज काफ्लेले जानकारी दिनुभयो ।
उहाँका अनुसार काठ र अटो नियन्त्रणमा लिई आवश्यक कारवाहीको लागी डिभिजन वन कार्यालय मकवानपुर पठाईएको छ । प्रहरीले चित्रेपानी सामुदायीक वनमा बेवारीसे अवस्थामा फेला परेको २०।५४ क्युफिट अवैध सालको काठ नियन्त्रणमा लिई डिभिजन वन कार्यालय मकवानपुर पठाईएको जनाएको छ ।
यो पनि पढ्नुहोस्
