विभिन्न पार्टी परित्याग गरी १६ जना कांग्रेसमा प्रवेश
विभिन्न पार्टी परित्याग गरी १६ जना नेपाली कांग्रेसमा प्रवेश गरेका छन् । हेटौंडा उपमहानगरपालिकाका मुस्लिम समुदायका जावेद हुसेनको नेतृत्वमा ५ जना र राक्सिराङ गाउँपालिकाका चेपाङ समुदायका ११ जना नेपाली कांग्रेस प्रवेश गरेका हुन् ।
जिल्ला पार्टी कार्यालयमा आयोजित कार्यक्रममा उनीहरुलाई नेपाली कांग्रेस बागमती प्रदेश संसदीय दलका नेता एवं मकवानपुर सभापति इन्द्रबहादुर बानियाँ लगायत जिल्ला पदाधिकारीहरुले पार्टीमा स्वागत गर्नु भएको थियो ।
त्यसैगरी, जिल्ला सभापति बानियाँले निर्माण व्यवसायी अभय श्रेष्ठ, राक्सिराङ गाउँपालिका वडा नम्बर ३ की बच्चीमाया नेगी र हेटौंडा–८ का मिहिनबहादुर श्रेष्ठलाई जिल्ला सदस्य मनोनित गर्नु भएको छ ।
यो पनि पढ्नुहोस्
