हेटौंडा लेडि जेसिजको २३ औं पदस्थापन तथा सम्मान कार्यक्रम सम्पन्न
हेटौंडा लेडि जेसिजको २३ औं पदस्थापन तथा सम्मान कार्यक्रम शनिबार सम्पन्न भएको छ।
राष्ट्रिय समावेशी आयोगकी सदस्य विष्णु ओझाको प्रमुख आतिथ्यता तथा हेटौंडा लेडि जेसिज बर्ष २०२० कि अध्यक्ष सुशिला पौडेलको सभाध्यक्षतामा भएको पदस्थापन तथा सम्मान कार्यक्रम जिल्ला समन्वय समिति मकवानपुर उपप्रमुख भगवती पुडासैनीको बिषेश आतिथ्यता रहेको थियो।
कार्यक्रममा हेटौडा लेडी जेसिजको सन २०२१ का लागि निर्वाचित भएकी अध्यक्ष प्रतिमा श्रेष्ठ, कार्यकारणी उपाध्यक्ष कविता पौडेल, दिलमाया घर्ती, उपाध्यक्ष ज्योती काफ्ले, शिखा भट्टराई, अस्मिता न्यौपाने, सुनीता राईले २३औ पदस्थापन कार्यक्रम मार्फत पदभार ग्रहण गरेका थिए ।
नव निर्वाचितअध्यक्ष श्रेष्ठलाई निवर्तमान अध्यक्ष सुशिला पौडेल र उपाध्यक्ष तथा कार्यकारिणी उपाध्यक्षलाई नव निर्वाचित अध्यक्ष श्रेष्ठले सपथग्रहण गराउनु भएको थियो । कार्यक्रममा बोल्दै प्रमुख अतिथि राष्ट्रिय समावेशी आयोगकी सदस्य ओझाले लेडि जेसिजको भुमिका महत्वपुर्ण रहेको भन्दै समाज र सम्रग महिलाप्रति उत्तरदायी हुन नयाँ कार्यसमितिलाई शुभकामना व्यक्त गर्नुभयो ।
पदस्थापन तथा सम्मान कार्यक्रममा हेटौडा जेसिज २०२१ का अध्यक्ष लिसेन बस्नेत, २०२० का अध्यक्ष राजदेव बानियाँ, मकवानपुर उघोग वाणिज्य संघ मकवानपुरका पुर्व अध्यक्ष राजकुमार न्यौपाने, वडा प्रहरी कार्यालय हेटौडाका प्रहरी निरीक्षक कृष्ण प्रसाद बिष्ट, विभिन्न जेसिज शाखाका अध्यक्ष तथा प्रतिनिधि, लेडि जेसिजका पुर्व अध्यक्षहरु विभिन्न संघसंस्थाका प्रतिनिधिहरुको सहभागिता रहेको थियो।
कार्यक्रममा लेडि जेसिजलाई सहयोग गर्ने पत्रकार, विभिन्न संघसंस्थाका प्रतिनिधिलाई सम्मान गरिएको थियो।
यो पनि पढ्नुहोस्
