मकवानपुरका विभिन्न स्थानमा लगाइएको अवैध अफिम तथा गाजा खेती प्रहरीद्वारा नष्ट
मकवानपुर प्रहरीले बिहिबार १३ बिगाहमा लगाइएको अफिम खेती फडानी गरि नष्ट गरेको छ । जिल्ला प्रहरी कार्यालय मकवानपुरका प्रहरी निरीक्षक राजकुमार सापकोटाको कमान्डमा खटिएको ४६ जनाको प्रहरी टोलिले कैलाश गाउँपालिका ८ को साइचार, पाख्रे लगायतका स्थानमा १३ बिगाहमा लगाइएको अफिम नष्ट गरेको हो । यसैबिच किसानले काटेर खेतमै लुकाइराखेको ४ क्विन्टल गाजा पनि प्रहरीले नष्ट गरेको छ । यस्तै हेटौँडा इलाका प्रहरी कार्यालय पशुपतिनगरले हेटौंडा १६ मा ७ बिगाहा क्षेत्रफलमा लगाइएको लागुऔषध गाँजा खेती नष्ट गरेको छ। 
ईलाका प्रहरी कार्यालय पशुपतिनगरबाट प्रहरी निरिक्षक देवराज काफ्लेको कमाण्डमा खटिएको २६ जनाको टोलीले हेटौँडा १६ को बगेरी र गोक्ते लगायतको स्थानमा लगाइएको गाँजा खेती फडानी गरि नष्ट गरेको हो ।
यो पनि पढ्नुहोस्
