१ सय १५ औं श्रमिक महिला दिवसका अवसरमा सञ्चारिका समूह,मकवानपुरद्धारा अन्तरक्रिया

छहारी संवाददाता
फाल्गुन २४, २०८१

सञ्चारिका समूह नेपाल, मकवानपुरले १ सय १५ औं श्रमिक महिला दिवसका अवसरमा सामाजिक रुपान्तरणमा महिला पत्रकारको भूमिका, चूनौति र अवसरका विषयमा अन्तरक्रिया गरेको छ ।
हेटौंडा उपमहानगरपालिकाकी नगर प्रमुख मिना कुमारी लामाको प्रमुख आतिथ्यतामा कार्यक्रम भएको हो । कार्यक्रममा बोल्दै प्रमुख अतिथि लामाले विभिन्न चूनौतिलाई पार गर्दै महिलाहरु नेतृत्व तहमा पुगिरहेको बताउनुभयो । परम्परागत सोचाई, आर्थिक, सामाजिक लयागत हरेक समस्याका बिच पनि महिलाहरु नेर्तत्वदायी भूमिकामा रहेको उहाँको भनाई छ ।
कार्यक्रममा सञ्चारिका समुह बागमती प्रदेश अध्यक्ष सरिता दाहाल, नेपाल पत्रकार महासंघ बागमती प्रदेशकी पूर्व उपाध्यक्ष सम्झना कार्की र मकवानपुर शाखा उपाध्यक्ष भावना रिजालले पत्रकारितामा महिलालाई अवसर र चूनौतिका साथै अनुभव सहितको धारणा राखेका थिए ।
सञ्चारिका समूहकी उपाध्यक्ष जमुना थिङले मकवानपुरमा महिलाद्वारा सञ्चालित सञ्चार माध्यम, महिला पत्रकारको अवस्था लगायत विषय समेटेर प्रस्तूतिकरण राख्नुभएको थियो । कार्यक्रममा पत्रकार महासंघ बागमती प्रदेश उपाध्यक्ष हरि हुँमागाई, स्वतन्त्र पत्रकार संघका केन्द्रिय उप–महासचिव सुरेश श्रेष्ठ, प्रेस युनियन मकवानपुर अध्यक्ष सुवास विडारी, प्रेस सेन्टर मकवानपुर अध्यक्ष एमपी शर्मा, प्रेस चौतारी बागमती प्रदेश सदस्य सुनिता विष्ट लगायतले मन्तव्य राख्नुभएको थियो ।
उक्त अवसरमा मकवानपुरका महिला सञ्चारकर्मीका लागि औषधि व्यवसायी संघ मकवानपुरले २ सय पिस सेनिटरी प्याड सहयोग गरेको थियो । औषधि व्यवसायी संघ मकवानपुर अध्यक्ष नारायणलाल श्रेष्ठले सञ्चारिका समूहकी अध्यक्ष निशा गुरुङलाई प्याड हस्तान्तरण गर्नुभएको हो । संघले निरन्तर मासिक ५० पिस प्याड उपलब्ध गराउने अध्यक्ष श्रेष्ठले प्रतिबद्धता जनाउनुभयो । सञ्चारिका समूह मकवानपुरकी अध्यक्ष निशा गुरुङको अध्यक्षतामा कार्यक्रम भएको हो ।

 

प्रतिक्रिया दिनुहोस

  • प्रतिक्रियाहरु