ध्वनी प्रदुषण नियन्त्रणको माग गर्दै जिल्ला प्रशासन कार्यालय मकवानपुरको ध्यानाकर्षण
जन सरोकार केन्द्र मकवानपुरले वातावरण तथा ध्वनी प्रदुषण नियन्त्रणको माग गर्दै जिल्ला प्रशासन कार्यालय मकवानपुरलाई ध्यानाकर्षण पत्र बुझाएको छ ।
आइतबार केन्द्रका संयोजक ध्रुब प्रसाद चौलागाईले प्रमुख जिल्ला अधिकारी सुर्य प्रसनद सेढाईलाई ध्यानाकर्षण पत्र बुझाउनु भएको हो । वातावरण तथा ध्वनी प्रदुषणका कारण मानिसमा मानसिक समस्या, मुटु रोगीहरुलाई समस्या हुने, श्रवण शक्तीमा ह्रास आउने जस्ता समस्याहरु आउने भन्दै संयोजक चौलागाईले नियन्त्रणका लागि पहल गरिदिन ध्यानाकर्षण गरिएको बताउनुभयो ।
ध्यानाकर्षण पत्र बुझ्दै मकवानपुरका प्रमुख जिल्ला अधिकारी सुर्य प्रसाद सेढाईले केन्द्रको माग जायज भएको भन्दै वातावरण प्रदुषण र ध्वनी प्रदुषण नियन्त्रणका लागि सरोकारवालाहरुसंग छलफल गर्ने बताउनुभयो । उहाँले शहरलाई स्वच्छ राख्ने कुरा सकारात्मक भएको भन्दै यसको प्रभावकारी कार्यान्वयन गर्न पहल गर्ने बताउनुभयो ।
केन्द्रले ७ बुँदे माग राख्दै जिल्ला समन्वय समिति मकवानपुर, हेटौंडा उपमहानगरपालिका, जिल्ला स्थित विभिन्न राजनीतिक दल लगायत सबै सरोकारवालाहरुसंग परामर्श गरी सहकार्य गर्न ध्यानाकर्ष गराएको छ ।
यो पनि पढ्नुहोस्
