कांग्रेस बागमती प्रदेश सभापतिमा खसेको मत ५१ प्रतिशत नपुगेपछि पुनः मतदान हुने
नेपाली कांग्रेस बागमती प्रदेश सभापतिमा खसेको मतको ५१ प्रतिशत नपुगेपछि पुनः मतदान हुने भएको छ ।
सभापतिका उम्मेद्वार ईन्द्रबहादुर बानियाँले सबैभन्दा बढि ९९२ मत ल्याएपनि विधान अनुसार यो पर्याप्त भएन । मतपरिणम अनुसार बानियाँले ४८ प्रतिशत मत प्राप्त गर्नु भएको छ । दोस्रो हुने जगदिश्वर नरसिंह केसीले ८७२ र तेस्रो हुने भीमसेन दास प्रधानले १९७ मत प्राप्त गर्नु भएको छ ।
कांग्रेसको विधानमा सभापतिमा खसेको मतको ५१ प्रतिशत मत ल्याउनुपर्ने प्रावधान अनुसार सभापतिमा पुन मतदान हुने भएको हो । पुनः मतदान आइतबार नै हुने निर्वाचन अधिकृतको कार्यालयले जनाएको छ । कुल २ हजार १ सय ५१ मतमध्ये २०८३ मत खसेको थियो ।