म यहाँसम्म आइपुग्न सहिद रुद्र पाख्रिनको ठुलो भूमिका छः सामाजिक विकासमन्त्री कुमारी मोक्तान
बागमती प्रदेशकी नवनियुक्त सामाजिक विकासमन्त्री कुमारी मोक्तानले सहिद रुद्र पाख्रिनको योगदानलाई कसैले बिर्सन नहुने बताउनुभएको छ ।
शुक्रबार मकवानपुरगढी गाउँपालिका ४ मा रहेको रुद्र पार्कमा पुगेरमा सहिद रुद्र पाख्रिनप्रति श्रद्धाञ्जली व्यक्त गर्दैं मन्त्री मोक्तानले आफुलाई यहाँसम्म पुर्याउन सहिद रुद्र पाख्रिनको ठुलो भूमिका रहेको बताउनु भएको हो ।
मन्त्री मोक्तानले आफुलाई पार्टी राजनिती सिकाउन हात समाएर डोर्याउने पहिलो व्यक्ति नै रुद्र पाख्रीन भएकाले उहाँप्रतिको सम्मान र उहाँको योगदानलाई कहिल्यै बिर्सन नसकिने बताउनुभयो । उहाँले भन्नुभयो “राजनितीमा रुद्र पाख्रिन नभएको भए कुमारी मोक्तान, कुमारी मोक्तान हुदैनथिएँ, भनेर भन्दैआएको हुँ, अहिले पनि म त्यहि भन्छु भोलीपनि म त्यहि भन्छु ।”
सहिद रुद्र पाख्रिनले मकवानपुर जिल्लामा माओवादीलाई अगाडी बढाउन गरेको देनलाई हामी कसैले भूल्न नहुने बताउदैं मन्त्री मोक्तानले उहाँले लिएको बाटोमा हामी दृढका साथ लागिपरिरहेको बताउनुभयो । कार्यक्रममा माओवादी केन्द्र मकवानपुरका अध्यक्ष प्रेम बहादुर पुलामी छिन्तु, जिल्लास्तरका नेता तथा कार्यकर्ता, स्थानिय समुदाय लगायतकाको उपस्थिती रहेको थियो ।