एकीकृत समाजवादीका पाण्डेले बागमती प्रदेशको मुख्यमन्त्रीको सपथ लिँदै
नेकपा माओवादी केन्द्र संसदीय दलका उपनेता कुमारी मोक्तानले बागमती प्रदेशको सामाजिक विकास मन्त्रालयको जिम्मेवारी पाउनुहुने भएको छ ।
बागमती प्रदेशको मुख्यमन्त्रीमा दाबी गरेका नेकपा एकीकृत समाजवादीका राजेन्द्र पाण्डेसहित ४ प्रदेश मन्त्रीले आज अपरान्ह शपथ लिने तयारी भईरहेको बुझिएको छ । नेकपा एमालेबाट मुख्यमन्त्री बन्नु भएकी अष्टलक्ष्मी शाक्यले पदबाट राजीनामा दिएपछि पाण्डेलाई मुख्यमन्त्री बन्न बाटो खुलेको हो ।
यस्तै आन्तरिक मामिला मन्त्रालयको जिम्मेवारी कृष्णप्रसाद खनाललाई र भौतिक पूर्वाधार मन्त्रालयको जिम्मेवारी कृष्णलाल भँडेललाई दिने तयारी छ । एमाले विभाजन भएपछि १३ जना प्रदेशसभा सदस्यले एकीकृत समाजवादी पार्टी रोजेपछि मुख्यमन्त्री शाक्य अल्पमतमा पर्नु भएको थियो ।
कांग्रेस, माओवादी र जसपाका गरी ५९ सांसदहरूको समर्थनमा पाण्डेले बुधबार नै मुख्यमन्त्रीमा दाबी पेश गरेका थिए । तत्काल तीन मन्त्रीसहित मुख्यमन्त्री पाण्डे सरकारमा जाने र तिहारपछि मन्त्रिपरिषद्लाई पूर्णता दिने गठबन्धनको तयारी छ ।
यो पनि पढ्नुहोस्
