मकवानपुरमा पछिल्लो २४ घण्टामा तीन संक्रमितको मृत्यु
सोमबार ७४ संक्रमित थपिँदा ६५ जना संक्रमणमुक्त
मकवानपुरमा पछिल्लो २४ घण्टामा तीन कोरोना संक्रमितको मृत्यु भएको छ ।
हेटौंडा उपमहानगरपालिकाका तीन संक्रमितको मृत्यु भएसंगै मकवानपुरमा कोरोना संक्रमणका कारण मृत्यु हुनेको संख्या १३७ पुगेको स्वास्थ्य कार्यालय मकवानपुरले जानकारी दिएको छ ।
यस्तै सोमबार ७४ जना कोरोना संक्रमित थपिएका छन् । योसंगै हालसम्म मकवानपुरमा कोरोना संक्रमितको संख्या १२ हजार १ सय ४७ पुगेको छ । यसैबीच पछिल्लो २४ घण्टामा ६५ जना संक्रमित निको भएको स्वास्थ्य कार्यालयले जनाएको छ ।
योसंगै हालसम्म जिल्लामा कोरोना निको हुनेको संख्या ११ हजार ३ सय ६८ पुगेको छ । अहिले मवानपुरमा ६४२ जना सक्रिय संक्रमित रहेको स्वास्थ्य कार्यालय मकवानपुरले जनाएको छ ।
यो पनि पढ्नुहोस्
