इन्द्रसरोवरमा २३ जनाले जिते कोरोना, सक्रिय संक्रमित ७ जना
मकवानपुरको इन्द्रसरोवर गाउँपालिकामा २३ जनाले कोरोना जितेका छन् । जेठ २४ गते सोमबार सम्ममा गाउँपालिकामा ३० जनामा कोरोना संक्रमण देखिएकोमा २३ जनाले कोरोना जित्न सफल भएका हुन् ।
इन्द्रसरोवर गाउँपालिकाको कोभिड १९ ९दोस्रो लहर० को दैनिक प्रतिवेदन अनुसार निको हुनेहरुमा ८ जना महिला र १५ जना पुरुष रहेका छन् ।
यस्तै सोमबार नै थप २ जनामा कोरोना संक्रमण पुष्टी भएसँगै सक्रिय संक्रमितको संख्या ७ पुगेको छ । सोमबार इन्द्रसरोवर ३, सिस्नेरीका ३२ वर्षीय पुरुष र ७६ वर्षीय महिलामा कोरोना पुष्टी भएको स्वास्थ्य शाखाले जनाएको छ ।
सक्रिय संक्रमित ७ जना होम आइसोलेसन मै उपचाररत रहेका छन् भने गाउँपालिका बाहिर कोरोना पुष्टी भएका इन्द्रसरोवरका ५ जना नागरिकले ज्यान गुमाइसकेका छन् । गाउँपालिकामा आजसम्ममा ६६ जनामा कोरोना भाइरसको एन्टिजेन परिक्षण गरिएको छ ।
यो पनि पढ्नुहोस्
